DALAMPASIGAN by cihjei

DAGAT, ISA KANG PAHINGAAN

(cihjei)

Sa mundong puno ng mga problema,

Na hindi matakasan, hindi maidaan sa tawa

Nagbibigay kapootan sa ating isipan

Magugulong sitwasyon na hindi maintindihan

Nag-iisip ng tanging paraan

Upang sakit na nadarama'y maibsan

Ang iba'y hindi tao ang kailangan

Sa mga problema na dapat ay masolusyonan

Ngunit isang lugar na isang pahingaan

Dagat, dagat ang napili

Munting problema ay iwinawaksi

Isang paraiso na kay sarap pagmasdan

Ikaw ay aking napili

Sapagkat sa'yo nahahanap ang munting pagkawili

Sa pagsulyap at tanaw lamang na aking gawin

Tahimik at payapang isip ay aking dadamhin

Dagat, isa kang medisina para sa lahat

Sa puso at isip ng bawat

Taong lubog sa mga problema

Mga taong may iba't ibang emosyong nadarama

Lilipas ang mga araw

Ikaw pa rin ang magiging tanaw

Tatakasan ang lahat sa mundo

Upang kasiyahan sa aking puso ay mabuo

Mga sandaling tulong upang makalimot

Sa mga bangungot at pagkasalimuot

Dagat, ikaw ang patuloy na pahingaan

Sa mundong ibabaw, na kung saan ipapakita sa lahat

Na hindi lang sa tao mahahanap ang pahinga at sandaling kasiyahan